కొత్త GST Rates: సెప్టెంబర్ 22 నుంచి అమల్లోకి – ఏ వస్తువులపై ఎంత పన్ను? పూర్తి వివరాలు

దేశవ్యాప్తంగా కోట్లాది వినియోగదారులకు ఊరట కలిగించే విధంగా కేంద్ర ప్రభుత్వం వస్తు సేవల పన్ను (GST)లో భారీ సంస్కరణలు చేసింది. సెప్టెంబర్ 22, 2025 నుంచి కొత్త జీఎస్టీ రేట్లు అమలులోకి రానున్నాయి.

కీలక నిర్ణయాలు

• ఇకపై కేవలం 5% మరియు 18% GST slabs మాత్రమే కొనసాగుతాయి.
• 12% మరియు 28% slabs రద్దు.
• ఖరీదైన వస్తువులు, ముఖ్యంగా తమాకూ ఉత్పత్తులు, లగ్జరీ కార్లు వంటి వాటికి ప్రత్యేకంగా 40% slab అమలు.
• నిత్యావసర వస్తువులపై పన్ను తగ్గింపుతో వినియోగదారులకు నేరుగా లాభం.

GST నుంచి పూర్తిగా మినహాయింపు పొందినవి

సాధారణ కుటుంబాలకు ఉపయోగపడే వస్తువులు మరియు విద్యా రంగ ఉత్పత్తులపై పన్ను తొలగించారు.

• పెన్సిళ్లు, నోట్ బుక్స్, షార్ప్‌నర్లు, క్రేయాన్స్, మ్యాప్‌లు, గ్లోబ్‌లు – ఇకపై పన్ను లేదు.
• ఆరోగ్య సంరక్షణ రంగం – థర్మామీటర్, మెడికల్ టెస్టింగ్ కిట్లు, కంటి అద్దాలు వంటి వాటికి మినహాయింపు.
• Health Insurance, Life Insurance, Personal Insurance – ఇప్పటి వరకు 18% ఉండగా ఇప్పుడు జీరో పర్సెంట్.

5% జీఎస్టీ కిందకి వచ్చిన వస్తువులు

• నిత్యావసరాలు: తల నూనెలు, షాంపూ, సబ్బులు, టూత్‌పేస్ట్, బ్రష్, షేవింగ్ క్రీమ్.
• పాలు, వెన్న, నెయ్యి, మజ్జిగ వంటి పాలు ఉత్పత్తులు.
• హస్తకళ ఉత్పత్తులు, పాలరాయి, గ్రానైట్.
• బుజ్జియా, నమ్‌కీన్, వంట సామగ్రి, పాల సీసాలు, కుట్టుమిషన్లు, డైపర్లు.
• వ్యవసాయం: ట్రాక్టర్ టైర్లు, విడి భాగాలు, బయో-ఫర్టిలైజర్లు, డ్రిప్ ఇరిగేషన్ పరికరాలు, స్ప్రింక్లర్లు.

18% జీఎస్టీ కిందకి వచ్చిన వస్తువులు

• ఇలక్ట్రానిక్స్: 32 ఇంచుల కంటే ఎక్కువ టీవీలు, ఏసీలు, ప్రొజెక్టర్లు, వాషింగ్ మెషిన్లు.
• వాహనాలు: 1200cc లోపు పెట్రోల్ కార్లు, 1500cc లోపు డీజిల్ కార్లు, ఆటోలు, త్రీ-వీలర్లు, 350cc లోపు బైకులు.
• నిర్మాణ రంగం: సిమెంట్.

40% జీఎస్టీ కిందకి వచ్చిన లగ్జరీ వస్తువులు

• పొగాకు ఉత్పత్తులు (సిగరెట్లు, గుట్కా మొదలైనవి).
• అత్యంత ఖరీదైన లగ్జరీ కార్లు.

ఎందుకు ఈ మార్పులు?

ప్రభుత్వం ఈ సంస్కరణల ద్వారా సాధారణ వినియోగదారులపై పన్ను భారాన్ని తగ్గించి, దేశీయ వినియోగాన్ని పెంచాలని లక్ష్యంగా పెట్టుకుంది. పండుగ సీజన్ ముందుగా ఈ నిర్ణయం రావడంతో మార్కెట్‌లో ఉత్సాహం పెరిగే అవకాశం ఉంది.